CUENTOS EN QUECHUA II

LA PRODUCCIÓN DE LA SEGUNDA PARTE DE "CUENTOS EN QUECHUA " ES EL COMPLEMENTO DEL PRIMERO Y TAMBIÉN FUE TRABAJADO EN AULA DE UNA INSTITUCIÓN EDUCATIVA BILINGUE  DE LA REGIÓN CUSCO.

SI PODEMOS ESCRIBIR...........

Tarukamantawan runamantawan

Huk p’unchawsi tarukaqa qachu qinchaman suwakuq chakrata haykusqa, chayllamansi Cesar káchunman hamusqa apakuq; hinaptinsi tarukaqa káchuta hastuyushaqtin urarin runapa siminta; - ¡yaw taruka imatan káchuyta mihunki, kunallanmi wañuchisayki nispa!. Chaysi Cesarqa pítayusqa rumintin taruka p´anaq, chakinraqsi chinkan tarukapa hinaspas phawan qata kinrayman. Manañas chakrayukqa aypasqañachu.

Huk púnchawsi Cesarqa tuqllata churarusqa; taruka mana wanaq hukmanta kutimusqa chay qincha káchu mihuq. Chaysi chay tarukaqa tuqlla uhuman urmaykusqa; hinaptinsi tutallamanta chakran qawaq hamusqa Cesarqa, chaysi tarukaqa chirichirillaña k’umpalayashasqa tuqlla uhupi. Chayllamansi manaraq yuyaychakushaqtin Cesarqa qaspiwan umapikama p’anarparin wañunampaq. chaysi   wasinman apasqa aylluntin mihupusqaku.

Chayllapin tikupun kay willay.

Pipa qillqan: 

Turupuwan chiwakupuwan

Huk p’unchawsi chiwaku risqa rallan suwakuq, chaysi sachaq pachammanta huk turu qawasqa, chaymanta nin.
-       Imatan taytay chaypi ruwashanki. Hinaspas chiwakuqa kutichin.
-         Rallantan muhukushani taytay.
- Waq chimpatañan chakrayuq hamushan. kunallanmi warak’amusunki ispapakuy apuray ninsi turuqa. Chiwakutaqsi urayamun unaypi. Chaysi rumi,  turuq wasanman chayamun. hinaspas turuqa ispapakuyta qallarin, phawayllas qata kinrayman rin. Chaypis kay turuqa qurapi suskaspa qaqaman urmaykun. Chiwakus qatiykun takyasqankama. Mañana imata ruwayta atispa llakisqa ripusqa. Hinaspas chakrayuq runapas puqu  turunmanta waqayun; chakra dañusqaykipin chay nisparaq.
 Qillqaran: 

Atuqmantawan machaqwaymantawan

Huk p’unchawsi kasqa atuq rayqaypi. Chaysi huk machaqwayta rukurusqa. Chay machaqwaysi chuchuta puñushasqa. Atuqqa  chakinwansi tuyrapayasqa. Machaqwaysi rischaramuspa chupamwan waqtasqa. Tumpanta ashurispas atuqqa k’amiyta qallaykun.-         Kaspi kunka nispa. Machaqwaypas manas qipakunchu.
-         Qampas atuqcha mana wirayuq ninsi.
-         K’uyka sayay wachaqway ninsi atuqpas.
-         K’awti wiksa atuq nispa kutichin.
- Pampa qawa  t’ipi washk’a nispas atuqqa. Chaymansi  machaqwayqa  atuqpa chakinman phawaykuspa watarpasqa. Hinaspansi atuqqa pampata chayarparin. Machaqwayqa manas kacharinchu. Chaysi atuqqa nisqa.
-         Amaña papay, amaña! Manañan hayk’aqpas k’amisaykichu nispa. Chaysi machaqwaypas unaymantañas kacharin. Llawaraqsi atuqpa chakimpi wañurusqa. Hinaspas atuqqa  urqu qipata ripusqa, manaña kutimpuq.

Qillqaran: Oliver Samuel Zamata Huaman. (5°grado Educ. Primaria)

Pumamanta, kunturmanta, wakamantawan

Huk p’unchawsi kasqa huk kuntur urqun urqun puriq. Chaysi huk wakawan tuparusqa. Hinaspas kunturqa tapukun, manachu rikuranki kaykaypi pumata, aychaytan suwaruwan nispa. Wakañataqsi nin – wañuchinaypaqmi chay pumata ñuqapas munashani, Uñaytan mihurun. Ch’isiyaqsi mashkaspa mana tarinkuchu. Chaysi kunturqa aswan ripusaq nispa chinkayatamun. Huk pasaq p’unchawsi  chay pumaqa rumi sikichapi puñushasqa, chayllamansi kunturqa hawanta  phawaspa rikurun. Chaysi kunturqa harumantaraq  pumapa ñawin ch’akas phawayun. Chaypis pumawan kunturwanqa k’uchun k’uchun apakachanayukun. Chimpamantas wakapas rikuramun, chaysi p’itamun waykaq. Wakas waqranwan chunchulintaraq urqurapusqa. Kunturpas kusisqas kunanqa qantacha pumacha mihupusayki nispa. Chaymantapachas kunturwan wakawan kusipi tiyanku, manañas uñata mihunñachu aswansi mañusqallataña. Qillqaran: Nerio Huari Champi. (6° grado Educ. Primaria)

Urpimantawan ankamantawan

Huk p’unchawsi urpichaqa mulli patachapi ruruchata muhukusharan, kusi kusita takiyuspa. Chayllamansi huk anka rihuriramun. Llantupi waturuspas urpichaqa sach’a uhuman yaykurparin. Manchasqas chay uhupi mana lluqsimuq. Ankataqsi chimpa tayanka k’ullu patapi tiyarun, hinaspa qawamun urpitaqa. Chaysi unaymantaña urpiqa lluqsimun manchaymanchasqa. Manaña imatapas rikuspa. Huktas ankaqa  muyurisparaq urpichataqa hapirpatamun. Wayk’u uraytañas apayapushan, chaysi urpichaqa ankaq sillunta k’uturparin. Hinaspas ankaqa urpita kacharparin.  Urpis urmaykun. Chayllamansi ankaqa huk muyuriychata muyurisparaq urpitaqa hukmanta hap’irpatamun. Phuruchallanñas urpipaqa wishñirparikun. Ankataksi tuqunman aparparin uñankuna mihupunampaq.

Qillqaran: Jhon Rover Huamani Huari. (5° grado Educ. Primaria)

REVISIÓN  GRAMÁTICA QUECHUA: PROF. ELIAS ROQUE VARGAS

gracias por visitarnos.........significa mucho para nuestros estudiantes de la Institución Educativa.