CUENTOS EN QUECHUA I

CUENTOS EN QUECHUA I

LOS TEXTOS QUE A CONTINUACIÓN PRESENTAMOS PERTENECEN A ESTUDIANTES DE IV CICLO DE LA INSTITUCIÓN EDUCATIVA N° 50138 - URATARI-LIMATAMBO-CUSCO. 

Lurumantawan sisimantawan

Huk kutinsi kasqa huk luru kúmu sinqa. paysi phawakachasqa sara uhupi. Chaysi huk sisicha rihuriramusqa mayu patampi hinaspa waqyasqa; - ¡cumpariy luru yanapaway, wanan  chimpayta atisaqchu! Chay luruqa sarata mihuspas mana uyarinchu. Chaysi sisichaqa sapallan atipayta munasqa mayu chimpayta. Chayllamansi huk runa harumantaraq rumiwam qasumusqa lurutaqa. Mancharisqallañas  sach´a sach’aman p’itanqa. Hinaspas  sisichaqa hukmanta qaparin - ¡ cumpariy luru yanapaway nispa. Chayraqsi mancharisqallaña luruqa sisichata uyarin. ¡Kunachallan yanapasayki! ninsi. Chimpamansi phawan hinaspa sisichata wasanman qispichispa mayuta chimpachin. Chaymantapachas luruqa sisichawan tiyasqaku kusisqa.

 Qillqaran: Jhoel Roger Huamani Lopez (5° grado primaria)

 Wamanchawan pichinkuchawan

Huk punchawsi kasqa huk pichinkucha wamanchawan kumparintin. Chaysi huk p´unchawqa urqupi tuparparisqaku. Hinaqtinsi pichinkuqa napaykusqa. 

  ---¡ allin p’unchaw kumpariy wamancha, allillanchu kashanki! Chaymansi kutichin --¡ allillanmi pichinkucha ñuqaqa ñachu muhuramurankiña imallatapas!..Manaraqmi ninsi pichinkuchaqa.

-Chaynaqa hakuchi kumpariy  challwakamusunchis nispas wamanchaqa pusan.    - Maytaraqmi risunchis challwamanrí nispas tapukun pichinku.  - kay muqu qipallapin nispas kutichin wamanchaqa.  -Ñan sayk’uruniña, qalluymi ch’akillaña kashan ninsi pichinkuchaqa.  -Kay qipachallapiñam challwana qucha chayarullasunña kumpari pichinku kutichin.Hukta wamancha qawayunampaqa. Uma chakimpañas pichinkuqa t’iqralayashasqa, chaysi wamanchaqa phawaykun qawaq. Hinaspansi pichinkupa sunqunchanraq qata wichay sayk’usqampi phatarapusqa. Chaysi wamanchaqa llakisqa wasinman kutinpusqa.

 Qillqaran: Rosa Margarita Leva Huari (5°grado Educ. Primaria).

Atuqmanta, yuttumanta ushamantawan

Huk p’unchawsi  yarqaypi huk atuqqa ushata mashkaspa purimusqa. Chaysi ushataqa tariruspa atuqqa nin.

           -         Imatataq ruwashanki panachay. Chaysi ushaqa kutichin.

- Wakinniytan chinkarachini mashkamushanin nispa. Chaysi atuqqa hukmanta nin.
-   Hakuchu puriramushana, waq uraypin rikusharani ushakunata nispa. chayllamansi huk yuttu rumi qipanta rihuriramusqa. Chaysi atuqqa p’itayuspa ayparusqa yuttuchamanqa. hinaspas nisqa.- kunanqa muhupusaykin yuttucha. Chaykamallas ushaqa wakinninta rikuruspa p’itasqa. Yuttuchaqa kutichikunsi.
-  Imanaqtinmi ñuqata mihuwankiman, imatan ñuqa ruwarayki nispa.
 -Ñan ushapas harupiña kunanqa mihusaykin y muhusaykin nispa. Much’unmanta kanirunan kashaqtinsi yuttuchaqa atuqpa ñawimpi rankarusqa. Qaparinsi atuqqa chaysi yuttuchaqa qata urayta iskapan. Hinaspamsi atuqqa hukmanta qatiykun. Chaypis laqakuspa atuqqa qata urayta  chinkaykun. Rumi patapi tiyaruspañataq yuttuchaqa asiykun. Chaysi uraymantaña atuqqa piñasqa haru llaqtaman ripun.

Qillqaran: Yanet Zuniga Huaman. (6°grado de Educ. Primaria)

Tarukamantawan urpimantawan

Huk punchawsi kasqa huk taruka, ch’illka ch’illka uhupi k’achuta mihuspa. Chayllamansi huk urpicha chayaramusqa. Chaysi rikuruspa tarukaqa nin.   -Imatan kaypi ruwashanki. Ñuqaqa k’achutan chutashani, qanqa manamá kaytachu mihunkiqa. Chaymansi urpichaqa kutichin.   -kay qipachatan rishani, chaypis kashan trigo rurucha. Chaypipas kashanmi qachupas qumirllaña nispa. Chaysi tarukapas hakuchu nispa pasanku. Rihurirushaqtinkuñas runakuna chaypi allquntin llank’asqaku. Hinaspansi usqaylla kutirimunku mana kawsayninkupiraq. Chaysi runakunantin tarukata urpintinta urqu qipataraq qatiyusqaku. Chaymanta pachas tarukaqa manaña urpiwanqa kuska purinñachu.

 Qillqaran: Raúl Belisario Misme López.(5° grado Educ. Primaria)

 Tarukamantawan runamantawan

Huk kutis kasqa huk runa Mariano sutiyuq, paysi  chakranta watukuq risqa, chaysi huk tarukawan tuparusqa. Hinaspansi mancharikusqa ima saqrapashchá nispa. Wasinmansi kutispas warminman willasqa, hinaspas  warmiqa nin hap’iruna nishutaña k’achuta mihushan nispa.
Huk p’unchawsi kushka Mariano warmintin chakraman risqaku. Chaysi mana kanchu imapas; hinaspas warmiqa nipun llulla maytaq tarukaqa. Chayllamansi tarukaqa wayk’u chimpachanta rihuriramun. Chaysi Mariañoqa warak’awan warak’an. Warmitaqsi mancharikuspa usqayta llapa kallpanwan qaparisqa. Hinaspansi chay tarukaqa chinkaykun sach’a sach’a urayman. Chayllamansi Marianoq sunqun sayarapun hinaspa wañuy chayarapun. Warmintaqsi  llakiyukun, amapas tarukata qatiymanchu karan nispa, almancha qusaypaqa karan nispa. Chaymantapachas tarukata  manaña wañuchinkuchu chay llaqtapi.

 Qillqaran: Dina López Leva.(6° grado Educ. Primaria)

REVISIÓN TEXTUAL Y GRAMÁTICA QUECHUA: PROF.
ELIAS ROQUE VARGAS.

NOTA: Los textos fueron producidos por los estudiantes de 5° y 6° grado de Educación Primaria con el apoyo del docente a cargo. nuestra intención es valorar y exponer el trabajo propio, así motivar la producción textual tanto en la lengua materna y el español.
No se lo pierdan la próxima publicación de cuentos en quechua II.
gracias por seguirnos y que su comentario sea para bien.